Plantun de Prouvènço

Pèr coumpara dos planto d'encò nostre

Gentiana lutea & Drymocallis rupestris

Genciano

Gentiana lutea

Gentianaceae

Àutri noum : Genciàna, Jansano, Sensano, Baselico.

Noms en français : Gentiane jaune, Grande Gentiane.

Descripcioun :
La genciano es uno grando erbo que trachis dins li pasquié de mountagno. I'a pas pèr s'engana, pamens s'acampas sa racino, avisas-vous que siegue pas de varaire, Veratrum album forço empouisounanto ! La genciano a li fueio óupousado au contro dóu varaire que soun alterno.

Usanço :
Es uno planto bèn couneigudo pèr èstre subretout vertuouso dins li proublèmo de digestioun. Sa racino s'emplego pèr adouba d'aigarden (coume la Suze). Se pòu bouta direitamen la racino dins de vin blanc pèr n'en faire d'aperitiéu o de digestiéu quouro sias "stoumaga". Pamens "lou vin de sensano es amar que te fa pua'n'ase pèr la chaminèio ! (in J.-L. Domenge, LMT op.cit. p. 59).

Port : Grando erbo
Taio : 80 à 150 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Gentiana
Famiho : Gentianaceae

Ordre : Gentianales

Coulour de la flour : Jauno
Petalo : 5
Ø (o loungour) flour : 5 cm
Flourido : Estiéu

Sòu : Ca
Autour basso e auto : 100 à 2200 m
Aparado : Noun
Juliet à setèmbre

Liò : Pasquié - Prado umido - Bos clar
Estànci : Mountagnard à Subaupen
Couroulougi : Ouroufito-Sud-Éuropenco
Ref. sc. : Gentiana lutea L., 1753

Fragoun(-roucassié)

Drymocallis rupestris

Rosaceae

Nom en français : Potentille des rochers.

Descripcioun :
Aquéu fragoun, pulèu rare, trachis dins li champino e li roucaio sus sòu séusous. Es uno planto pelouso e glandoulouso emé uno cambo souvènt roujo. Li fueio caupon de 5 à 9 partido, óuvalo e dentado alor que li flour, blanco, soun pulèu grando (14 à 20 mm).

Usanço :
A bessai li mémis usanço que d'àutri fragoun : lucha contro la cagagno e sarra li car (presènci de tanin).

Port : Grando erbo
Taio : 20 à 80 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Drymocallis
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 14 à 20 mm
Flourido : Printèms - Estiéu

Sòu : Si
Autour basso e auto : 400 à 2200 m
Aparado : Noun
Mai à juliet

Liò : Roucaio - Champino - Bos clar
Estànci : Mesoumediterran à Mountagnard
Couroulougi : Paleoutemperado
Ref. sc. : Drymocallis rupestris (L.) Soják, 1989 (= Potentilla rupestris L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Gentiana lutea & Drymocallis rupestris

ges

Coumpara Genciano emé uno autro planto

Coumpara Fragoun(-roucassié) emé uno autro planto